Смык беларускі (1920)/Песьні/I

← Смык

I. Удава Верш Аўтар: Францішак Багушэвіч 1920 год

II. Горэ →

Іншыя публікацыі гэтага твора: Удава (Багушэвіч).

Прапануем да спампаваньня!

Песьні.

I. Удава.

Шуміць з горкі ручаёчак,
Брызгі разкідае, —
Плаче ўдава сярод ночак,
Вочкі выцірае.
Ой маркотная ліхая
Доля сірот-дзетак.
Але горшая ўдавая,
Як тых малалетак.
Ой зазнаюць гора, ліха,
Практыкі і зьдзекаў;
Будуць плакаць гэтак ціха,
Плакаць павек-векаў.
Павек-векаў ручаёчак
Брызгі раскідае,
Павек удоўка сярод ночак
Вочкі выцірае.