Спадчына (1922)/II/Бяспутнасьць

← Куды ты рвешся?

Бяспутнасьць Верш Аўтар: Янка Купала 1922 год

З сіроцкай долі →

Іншыя публікацыі гэтага твора: Бяспутнасьць (Купала).

Прапануем да спампаваньня!

БЯСПУТНАСЬЦЬ.

Дзе сонца, дзе сонца прытульнага трэба,—
Там хмары, там золкія хмары снуюцца;
Дзе плакаць, дзе сьлёзы крывава ліць трэба,—
Там людзі, там людзі жывыя сьмяюцца.

Дзе песьні, пагудкі прызыўнай дзе трэба,—
Там жальбы там нуднай разносяцца стогны;
Дзе жыць, дзе тварыць жыцьцё новае трэба,—
Там сыплюць магілы, там—сьмерць, пахароны!