Спадчына (1922)/VI/Асёл і яго цень

← Груган і салавей

Асёл і яго цень Байка Аўтар: Янка Купала 1922 год

Сьвінапас і стрынатка →

Іншыя публікацыі гэтага твора: Асёл і яго цень.

Прапануем да спампаваньня!

АСЁЛ І ЯГО ЦЕНЬ.

Асёл, убачыўшы ў вадзе
Ў крынічнай свой асьліны цень,
Зьдзівіўся, стаў, далей ня йдзе,
Глядзіць ды думае, як пень.

Які тут чорт намаляваў
Мяне інакшым, як я ёсьць?
Такія вушы падаваў,
Так пакрывіў на сьпіне косьць!

І, каб сябе не аглядаць
Ды разагнаць сваю нуду,
Ён капытом давай мяшаць
З гразёю чыстую ваду.

1914 г.