Спадчына (1922)/VI/Сьвінапас і стрынатка

← Асёл і яго цень

Сьвінапас і стрынатка Байка Аўтар: Янка Купала 1922 год

Пчолы й трутні →

Іншыя публікацыі гэтага твора: Сьвінапас і стрынатка.

Прапануем да спампаваньня!

СЬВІНАПАС І СТРЫНАТКА.

Сьвінапас, злавіўшы здрадна,
У сіло стрынатку,
Стаў чытаці ёй маралы—
(Меў таку ўжо ўхватку);

«Ты пяюшка,—так ён кажа,—
Сорам мей і ўвагу:
Шмат ня пей, ня пей і мала,
Ня дай з клеткі цягу!

Аб маім пастырскім чыне,
На’т ня думай брыдка,
А тым болей—мей шацунак
Над маёю сьвіткай.»

А стрынатка: «Ягамосьцю!
Чым ты—знаю болей,
Дык пакінь сабе маралы,
Мне дай толькі волю!»

1914 г.