Суседзі (1932)/«Балда турэцкая»

← І з вашымі прыват-доцэнтамі

„Балда турэцкая“ Фэльетон Аўтар: Анатоль Вольны 1932 год

Машыністка вінавата →

Іншыя публікацыі гэтага твора: «Балда турэцкая».

Прапануем да спампаваньня!

„БАЛДА ТУРЭЦКАЯ“.

Лаецца загадчык Бобрскай сямігодкі на сваіх вучняў. Аж звон гудзіць, так лаецца.

Лаянка такая ў сямігодцы стаіць, не раўнуючы, як у якім літаратурным згуртаваньні.

Кажуць, што аб гэтай лаянцы рана ведае і акрана…

Кажуць, ды ня тое, што кажуць, а вось яна даведка ад загадчыка Крупскага раёна.

Копія.

НАЙБОЛЬШ УЖЫВАЕМЫЯ СЛОВЫ ТАВ. АРХІПАВА — заг. БОБОСКАЙ СЯМІГАДОВАЙ ШКОЛЫ, ПРАДСТАЎЛЕНЫЯ ВУЧНЯМІ 6-й ГР. ТЭЙ-ЖА ШКОЛЫ ПРЫ АПРОСЕ ІХ:

1. Стсоит около карты, как теленок под коровой; 2. Пишет на доске, как короза по льду ходит; З. Выросла, а ума не вынесла; 4. Ворона крупская; 5. Только одни индюки думают, а не люди; 6. Пишет, как мышь хвостом водит; 7. Шляпа дырявая; 8. Головотяп; 9. Балда 10. Осел; 11. Глаза по ложке, а не видят ня крошки; 12. Сидят, как курица на яйцах; 13. Горе лукавое с перцем мне; 14. Болван, чорт тебя побери; 15. Смотрит, как баран на новые ворота; 16. Головотяп, балда турецкая; 17. Дурак — с тебя пользы, что с козла молока; 18. Быстрота нужна пры ловле блохи; 19. Пшик да фичка; 20. Смотришь в книгу, а видишь фигу; 21. Вместо головы у вас горшок з капустой, или мякиной; 26. Тельная корова.

31/II 1927 г. Загадчык Крупскага Рана Цітавец. Копія праўдзіва: Сакратар АкрАНА.

Значыць, і райана і акрана ведае аб гэтым і, значыць, нічога…

Тады, таварышы вучні, я вам дам адну параду, можа яна і паможа.

Тады, таварышы вучні, вы компэнсуеце сябе гэткай-жа лаянкаю.

Скажам, загадчык прыходзіць у клясу і да вас зьвяртаецца; як звычайна:

— Шляпы дыравыя.

А вы яму адразу:

— Галавацяц, балда турэцкая!..

Зразумела, загадчык узбунтуецца:

— Як, скажа, вы сьмееце: я загадчык сямігодкі…

А вы яму:

Дурак — с тебя пользы, что с козла молока.

І тады загадчык;

— Горе лукавое с перцем мне!

А вы яму:

— Пшык да фічка!..

І тады ён:

— Выйдзіце зараз-жа з клясы!

А вы яму:

— Быстрота нужна при довле блох!

І тады настаўнік:

— ?!

А вы яму:

— Чаго глядзіш, як баран на новыя вароты?

І тады зноў загадчык:

— ?.

А вы яму:

— Ворона крупская! Корова цельная!..

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Спарабуйце, таварышы!

А я папрашу, каб вас за гэта не наказвалі, бо ня вытрымалі, скажу, вучні, бо набалела-ж дзецям.

■