Творы М. Багдановіча (1927—1928)/I/I/24

← 23. Зьмяіны цар

24. Лясун… Я спакойна драмлю пад гарой… Верш Аўтар: Максім Багдановіч 1927 год

25. Над магілай мужыка →

Іншыя публікацыі гэтага твора: З цыклю «Лясун» (Я спакойна драмлю пад гарой між кустоў…).

Прапануем да спампаваньня!

24.

ЛЯСУН.

«Я спакойна драмлю пад гарой між кустоў,
Лес прыціхнуў, — ні шуму, ні сокату.
Але чую ў цішы нада мной звон падкоў.
Чую гул мяккі конскага топату.

Ці ня гукнуць, каб рэха па лесе пайшло,
Каб з касьцямі ў кавалкі разьбітымі
Нехта біўся ў крыві, каб мне можна было
Усю ноч рагатаць пад ракітамі?!»

1910.

Увагі

24. Лясун. Верш выдаецца з „Нашае Нівы“ 1910 г. № 51.