Творы М. Багдановіча (1927—1928)/I/I/25

← 24. Лясун… Я спакойна драмлю пад гарой…

25. Над магілай мужыка
Верш
Аўтар: Максім Багдановіч
1927 год

Іншыя публікацыі гэтага твора: Над магілай мужыка.

Прапануем да спампаваньня!

25.

НАД МАГІЛАЙ МУЖЫКА.

Сьпі, бядак! Накпілась доля над табою:
Ты рабіў, а ўвесь здабытак твой — труна;
Ўсё жыцьцё сваё змагаўся ты з зямлёю,
Але ўрэшце ўсё-ж асіліла яна!
Над табой пласт гліны цяжкай наваліла,
Грудзі ўпаўшыя прыціснула пяском…
Дык скажы ты мне, халодная магіла:
Для чаго-ж змагаўся цягам ён з жыцьцём?

1910.

Увагі правіць

25. На магілай мужыка. Верш выдаецца з „Нашае Нівы“ 1910 г. № 31.