Творы М. Багдановіча (1927—1928)/I/II/Старая спадчына/174

← 173. Трыолет (Як птушка ў гібкіх трасьніках)

174. Трыолет (Калісь глядзеў на сонца я) Трыялет Аўтар: Максім Багдановіч 1927 год

175. Рондо →

Іншыя публікацыі гэтага твора: Трыялет (Калісь глядзеў на сонца я…).

Прапануем да спампаваньня!

174.

ТРЫОЛЕТ.

Калісь глядзеў на сонца я,
Мне сонца асьляпіла вочы.
Ды што мне цемень вечнай ночы,
Калісь глядзеў на сонца я.
Няхай усе з мяне рагочуць,
Адповедзь вось для іх мая:
Калісь глядзеў на сонца я,
Мне сонца асьляпіла вочы.

Увагі

174. Трыолет. Калісь глядзеў на сонца я. Верш друкаваўся ў „Вянку“ і ў „Н. Н.“ 1913 г., № 39.
Рукапісныя варыянты з аўтаграфу (п. IV, 10,2).
1На сонца заглядзеўся я,
3Шукаючы красы жыцьця,
4На сонца заглядзеўся я.
5Таму, што сьветла, сэрцу міла,
6Ня ў сорам сьлепата мая.
Рукапісныя варыянты з аўтографу п. IV (№ 13, ст. 34):
1 і 4На сонца я калісь глядзеў.
5Няхай з мяне цяпер хахочуць…