Творы М. Багдановіча (1927—1928)/I/II/Старая спадчына/179

← 178. Грамада зорак „Карона“

179. З Крымскага Верш Аўтар: Агатангел Крымскі 1927 год Арыгінальная назва: Сліз!.. Сліз!.. Пераклад: Максім Багдановіч

180. З Чарняўскага →

Іншыя публікацыі гэтага твора: Кажуць людзі, быццам, творачы мужчыну…

Прапануем да спампаваньня!

179.

З КРЫМСКАГА.
(Пераклад з украінскай мовы).

Кажуць людзі, быццам, творачы мужчыну,
Бог зрасіў вадою высахшую гліну,
Але чорт падкраўся: выціснуўшы воду,
Падмяшаў ён сьлёзы ў нашую прыроду.

Нудзяць нас праз тое цягам смуткі, жалі,
І адзін ратунак, каб яны маўчалі:
Выплакаць іх шчыра, голасна ці ціха,
Каб з сьлязамі разам вылілася ліха.

Ох, мне з гэтым лекам ачуняці трудна,
Сьлёзаў я ня маю, а ў душы так нудна.
Ўжо яна згарэла, а ня плачуць вочы,
Ўжо самлела сэрца, сьлёзы-ж ліць ня хоча.

Увагі

179. З Крымскага. (Пераклад з украінскае мовы).
Верш выдаецца з „Вянка“ з наступным варыянтам у апошнім радку, уведзеным у тэкст з экзэмпляру № 2:
12„Сьлёзы-ж ліць“ зам. „а плакаць“.
Верш першы раз друкаваўся ў „Вянку“.