Творы (Александровіч, 1932—1933)/1/I/Вечар

← Фабрыка сьмерці

Вечар Верш Аўтар: Андрэй Александровіч 1933 год

Панскі падарунак →

Іншыя публікацыі гэтага твора: Вечар (Александровіч).

Прапануем да спампаваньня!

ВЕЧАР

Слухмяным хлопчыкам прышоў
у горад
вечар…
Веча
зорак
тчэ павуціну сноў.

А ў глухой прасторнай сіні-ўзвышшы
вечар славу нашу
чырвонай ніткай вышыў.

Подых ветру вабіць радасьцю рабочай,
песьні вуліц цешаць штурмам барацьбы.
Сэрца ціха-ціха шэпча мне, прарочыць:
— Хутка мы павінны у Заходняй быць.

1926 г.