Творы (Александровіч, 1932—1933)/1/II/Перад будучыняй

← Беларусь Савецкая

Перад будучыняй Верш Аўтар: Андрэй Александровіч 1933 год

Крым →

Іншыя публікацыі гэтага твора: Перад будучыняй (Александровіч).

Прапануем да спампаваньня!

II

ПЕРАД БУДУЧЫНЯЙ

Ішлі гады. На хвалях мора шквалам
схіляў наш парус раззлаваны шторм.
За валам вал ляцеў на нашы скалы,
разьбіты кідаўся ў падножжа цёмных гор.

А вецер гнаў за валам вал навалай,
схіляў наш парус раззлаваны шторм.

Ідуць гады. І бліжай з хваляў мора
агні віднеюцца далёкіх берагоў.
У зьзяньні тым, у залатым сузор‘і
ўзрастае будучыня, радасьць новых слоў.

Зямля вялікая! Вялікія прасторы —
агні віднеюцца далёкіх берагоў!

1927 г.