Шлях моладзі (часопіс)/1930/3/Літэратурны аддзел/Устань, рыцар слаўны!

← Барацьба

Устань, рыцар слаўны! Верш Аўтар: Уладзіслаў Казлоўскі 1930 год Крыніца: Часопіс «Шлях моладзі», № 3 (13), сакавік 1930 г., б. 13

Беларусь, устань →

Іншыя публікацыі гэтага твора: Устань, рыцар слаўны!.

Прапануем да спампаваньня!

УСТАНЬ, РЫЦАР СЛАЎНЫ!

Распутай Пагоню,
устань, рыцар слаўны,
вазьмі ў далоню
наш гэрб, сьцяг дзяржаўны.
Акрый гэтым сьцягам
Пакутну Старонку
й ляці роўным шляхам
за доляй ў дагонку.
Ляці, ня спыніся,
стаўляй ўсіх на ногі,
каб зараз ўзяліся
наладзіць нарогі.
Наладзіць нарогі
і ехаць у поле
араць ўсе адлогі
і чысьціць з куколя.
І сеяць на плоднай
зямельцы зярняты,
каб кожны быў ў Роднай
Старонцы багаты.

Ул. Казлоўшчык.

---