Pieśnia da światoha Mikałaja.
A chto, chto Mikałaja lubić,
A chto, chto wierna jamu słužyć,
Tamu zaŭsiody światy pamahaje, —
Ad Boha łaski jon wymalaje
Mikałaju!
A chto, chto da jaho uciekaje,
Jaho na pomač pryklikaje,
Toj nia budzie złoklučonny,
A ad hrachou adrečonny
Mikałaju!
A chto, chto śpiašyć u jaho domie,
Malić ab światym jaho pakrowie;
Tamu światy u pomač skory,
Jak na sušy, tak na mory
Mikałaju!
Mikałaju, słaŭny wajewoda,
Zastupnik chryścijanskaho rodu,
Pakrywaj nas ščytam wiery,
Barani nas ad niawiery
Mikałaju!
Mikałaju, Božych tajnic straiciel,
Budź nam ŭ niadoli paciešyciel,
Scieražy nas hrechami chworych,
Kab nia mieŭ da nas prystupu worah
Mikałaju!
Mikałaju, Mirlikiejeŭski wučyciel,
Chryścijanski praświaciciel,
Nawučy nas Boha znaci,
Świataść jaho prasłaŭlaci
Mikałaju!
Mikałaju, pastyr dobry stada,
Nie pakiń nas biez dahladu:
Pasi nas, oŭcy niepaciešny,
Dy ŭwiadzi u niwy niabiesny
Mikałaju!
Mikałaju, niabiesny žycharu,
Božy ŭ raju haspadaru,
Mali Boha, kab nam nie prapaści,
Barani nas ad błahoj napaści,
Mikałaju!
Mikałaju, chryścijanski manarše,
Budź nad nami Ty najstaršy!
Spraŭlaj našy usie pawiety,
A nam žyćcia daj doŭhi lety
Mikałaju!
My-ž Ciabie zaŭsiody wysłaŭlajem:
Swiatoje Imia Twaja wialičajem:
Budź prasłaŭlen Božy čeławieku,
Swiaty Mikałaju, až da kanca wieku
Mikałaju!
|
Прапануем да спампаваньня!