Pieršaja čytanka (1916)/Z našaj minuŭščyny/Ŭsiesłaŭ
| ← Iziasłaŭ | Ŭsiesłaŭ Навкова-папулярны артыкул Аўтар: Вацлаў Ластоўскі 1916 год |
Pieśnia a kniaziu Ŭsiesławie → |
Прапануем да спампаваньня!
ŬSIESŁAŬ.
Ŭsiesłaŭ byŭ synam Bratasława, a praŭnukam Rohniedy. Ješče pierad naradžeńniem Ŭsiesława da kniahini, maci jaho, pryjšli waražbity-starcy i skazali, što jana narodzić syna, katory prasływie adwahaj i mudraściu daloka pa świeci. Kali naradziŭsia Ŭsiesłaŭ, babki, kupajučy kniaziewiča, ubačyli u jaho na patylicy radzimy znak u kštałcie źwiazdy i miesiaca. Pryzwanyje na kniazieŭski dwor waražbity skazali, što hetyje znaki na patylicy kniaziewiča značuć, što jon budzie mieć nadpryrodnuju siłu, ale ich treba chawać ad ludzkoha woka. Dziela hetaho kniaź Ŭsiesłaŭ usio swajo žyćcio nasiŭ na haławie pawiazku.
Kali kniaź Ŭsiesłaŭ wyras i staŭ kniažyć nad Biełaruskaj ziamloj, to jon mudrymi wojnami razšyryŭ miežy Biełaruskaho kniaźstwa. Susiednije kniazi jaho šanawali za mudryje rady, narod lubiŭ za sprawiadliwaść, a worahi bajalisia jaho. Ludzi zababonnyje raskazywali, što kniaź Ŭsiesłaŭ pierekidajecca u woŭka i nočču abiehaje swajo i susiednije kniaźstwy i bačyć usio, dzie što i jak robicca, što wočy jaho praz najtaŭściejšyje ścieny bačuć, i wušami jon za sotki mil kožny hołas čuje. Kniažyŭ Ŭsiesłaŭ 87 hadoŭ, pamior u 1101 hadu.