Pierszy pramień (1929)/93

93. Les
Навукова-папулярны артыкул
Аўтар: Вацлаў Ластоўскі
1929 год

Іншыя публікацыі гэтага твора: Лес (Ластоўскі).

Прапануем да спампаваньня!

93. Les.

U lesie rastuć roznyja drewy. Raście tam dub, jasień, lipa, rabina, biaroza, wolcha, asina, jełka, sosna j jinszyja. Kożnaje drewa maje kareńnie, pniszcza j suki. Adny drewy majuć liścio, na jinszych zamiest liścia — kaluczki.

Pień i suki, abo haliny, pakrytyja karoj. Pad karoj jaszcze biełaja miazdra.

U lesie raście takża: laszczyna, kalina, malina, jaławiec i jinszyja kusty.

Rastuć tam hryby jadomyja j niejadomyja. Hryby bywajuć strutczatyja j prużaki.

Strutczatyja: barawik, ababak, padasinawik, machawik i jinszyja.

Prużaki: syrajeżki, apieńki i jinszyja.

U lasoch żywie bahata dzikich żwiarat: prażorliwy woŭk, chitry lis, wialiki miadźwiedź, kruciołka wawiorka, złosny dzik, rahaty łoś, szparkaja serna, pużliwy zajac.

I ptuszak u lesie mnoha. Ad jichniaha szczebiatańnia hudzić uwieś les. Na drewach i kustoch schawanyja jichnija hniozdy z jajeczkami dy z ptuszaniatami.

Woś tam strakocza biełabokaja saroka. Kala jaje kyrkaje czorny krumkacz dy jaho swajaczka-warona. Tam piaje zialony czyżyk, kihikaje żaŭna. U huszczawinie czuwać jak kukuje siwaja ziaziula. Wysaka nad lesam krużyć jastrab dy karszun. Pad wieczar paczynaje swaju pieśniu saławiej. A pozna ŭnoczy adzywajucca puhacz dy sawa.