Rodnyje zierniaty (1916)/II/Leto/Ržany kołas

Ržany kołas
Верш
Аўтар: Якуб Колас
1916 год

Іншыя публікацыі гэтага твора: Жытні колас.

Прапануем да спампаваньня!

Ržany kołas.

Na sałomcy tonkaj
U trawie hustoj
Śpieje — daśpiewaje
Kołas siratoj.

Ci to ptuška Boža
Kinuła ziarno,
Ci to zaniasłosia
Buraju jano,

Ci z dzirawaj torby
Konik čyj zhubiŭ,
Na čužuju hlebu
Ziernie pasadziŭ? —

Niebo jaho znaje,
Jak siudy papaŭ,
Chto ad rodnaj niwy
Ziernie adarwaŭ…

Sušyć jaho sonce,
Kłonić wieciarok;
Nyje siracinka,
Płače kałasok,

Płače, što nima s kim
Dumku razdzialić,
Nudnuju hałoŭku
Cicha prychilić.

Apuściŭšy nizka
Tonki pajasok,
Nyje siracinka,
Płače kałasok;

Płače, što daremna
Wianie u hłušy,
Što nihdzie nia zhledziš
Rodnaje dušy;

Što jaho zierniatki
Ptuški padziaŭbuć,
Biełuju sałomku
Wietry razniasuć.

I padniaŭšу ŭ horu
Strojny wałasok,
Nyje siracina,
Plače kałasok.