Z rodnaha zahonu (1931)/V/Pieśnia arataja

← Pieśnia dziaŭčaci

Pieśnia arataja Верш Аўтар: Андрэй Зязюля 1931 год

Wiaskowy muzyka →

Іншыя публікацыі гэтага твора: Песьня аратая.

Прапануем да спампаваньня!

PIESNIA ARTAJA.

Pamiaci Niasłuchoŭskaha.

Hej, Padłasy, Siwy,
Pasuwajcie nohi!
Chaj u hrudzi niwy
Urežucca narohi.

Ŭ roŭnieńkija składki
Scielacca chaj śkiby,
Moŭ ŭ harodzie hradki,
Wymierany niby!

Łastaŭka šybuje
Ŭkoła nas, jak kula,
A ŭ hai kukuje
Nad rakoj ziaziula.

Na‘t strynatka j taja
Honicca za muškaj,
Žaŭranak lataje
Z pieśniaj wiesiałuškaj.

Tolki pa papary
Pierajšoŭ z sachoju, —
Warańnia ŭžo chmary
Honiacca za mnoju.

Usio žywie naŭkoła,
Harataj ščaśliwy
Nukaje wiasioła:
„Hej, Padłasy, Siwy!“

Chutka niwa — maci,
Jak jaje ŭzaru ja,
Daść pryton ziarniaci,
Zboža rost pačuje.

Chmara ślozku ŭronie
Skroś ciapłom pawieje,
Zboža na zahonie
Ŭmach zazielanieje.

Padraście ruń heta
Dy zakałasuje,
U pałowie leta
Miła zakrasuje.

Ŭ kałaskach ziarniatki
Stanuć lić, śpialeci,
Paša dla cialatki
I chlabok wašeci.

Woś, chto duž — haryma
Łona rodnaj niwy,
Honiejka radzima!
„Hej, Padłasy, Siwy!“